KIOGE-2022: ҚАЗАҚСТАННЫҢ МҰНАЙ-ГАЗ ӨНЕРКӘСІБІН ДАМЫТУДЫҢ ЖАҢА СЦЕНАРИЙЛЕРІ
2022 жылдың күзінде Алматыда экномиканың негізгі салаларын дамытуға арналған бірқатар іс-шараларды қамтитын нағыз «энергетикалық апта» өтеді: ҚР мұнай-газ және энергетикасы. 28-30 қыркүйек аралығында Алматыда ірі салалық оқиға - KIOGE-2022 28-ші Қазақстандық халықаралық «Мұнай және Газ» көрмесі мен конференциясы өтеді. Осы күндері Дүниежүзілік мұнай кеңесінің VII жастар форумы (29 қыркүйек - 2 қазан), сондай-ақ Powerexpo Almaty 2022 20-шы Қазақстандық халықаралық «Энергетика, Электротехника және энергетикалық машина жасау» көрмесі өтеді.
KIOGE бұрыннан бері мұнай-газ саласының басты оқиғасы, Қазақстанның және таяу шетелдердің жетекші компанияларының, халықаралық салалық сарапшылар мен мемлекеттік құрылымдар өкілдерінің кездесу орны болды. Өткен 2021 жылы оқиға алғаш рет Қазақстанның астанасында сәтті өтті, онда әлемнің 9 елінен 156 компания экспонент ретінде қатысты, ал көрме алаңына үш жұмыс күні ішінде 1 526 бірегей келуші келді.
Мұнай өнеркәсібінің стратегиялық маңыздылығын назарға ала отырып, жаңа уақыттың сын-қатерлерін ескере отырып, одан әрі даму сценарийлерін пысықтау қажет. Президент Қасым-Жомарт Тоқаевтың тапсырмасына сәйкес «Қаламқас-теңіз» және «Хазар» ірі кен орындарын игеруді бастау, геологиялық барлауға белсенді инвестициялар тарту және жаңа кен орындарын іздеуді бастау қажет. Бұл ретте әлемдік энергетиканың трансформациясын және барлық жерде жасанды интеллектті енгізуді, қалдықтарды экологиялық кәдеге жаратуды, ЖЭК-ті және «жасыл экономика» қағидаттарын белсенді пайдалануды ескеру қажет. ҚР Энергетика министрлігі мұнай өндіруді 2021 жылғы 85,7 млн тоннадан 2022 жылы 87,5 млн тоннаға дейін арттыру бойынша өршіл жоспарларды алға қойып отыр. Ағымдағы жылы газ өндіру көлемі 54 млрд м3, тауарлық газ өндірісі 29,4 млрд м3, газ экспортының көлемі 7,7 млрд м3, ал сұйытылған газ өндірісі 3,1 млн тонна деңгейінде болады деп күтілуде. Қарашығанақ, Қашаған және Тенгиз нысандарында жобаларды іске асыру, сондай-ақ жаңа перспективалы кен орындарын уақтылы пайдалануға беру шикі газ өндіруді 2030 жылға қарай 87,1 млрд м3 дейін ұлғайтуға мүмкіндік береді. Сөз жоқ, мұнай-газ секторы компанияларының, мемлекеттік аппарат пен салалық бірлестіктер өкілдерінің офлайн форматта кездесу және тиімді нетворкингті қолдау үшін бірқатар өзекті тақырыптары бар.
KIOGE шеңберінде қатысушылар жетекші өндіруші, мұнай-газ және мұнай сервистік компаниялардан мұнай-газ өндіруші кәсіпорындарға арналған жаңа технологиялық, инжинирингтік және бағдарламалық әзірлемелерді ұсынады. Экспозицияға геология, геофизика, цифрландыру, бұзылмайтын бақылау, инжинирингтік шешімдер, инфрақұрылымды дамыту және т. б. қоса алғанда, мұнай-газ саласының 13 бағыты ұсынылады. Көрмеге алғаш рет «AVC Group» ЖШС, «Қазмұнайхим» ЖШС, «Сталь Трейд-НС» ЖШС және т. б. қатысады.
Қазақстанмен ынтымақтастыққа және жаңа нарықтарды игеруге Халықаралық бизнес қызығушылықтың айғағы - Германияның ұлттық стендінің, сондай-ақ Ресейдің бірнеше өңірінің ұжымдық стендінің экспозицияға жыл сайын қатысу болып табылады.
KIOGE 2022 конференциясының шеңберінде жетекші отандық және әлемдік компаниялардың кәсіпқойлары газ саласын қайта жүктеу үдерістеріне арналған Панельдік сессияға қатыса алады. Елде газ тұтыну жыл сайын артып келеді, бірақ газ өндіру қарқыны бұл өсуге сәйкес келмейді. Саланың инвестициялық тартымдылығын арттыруға, сондай-ақ, газдың ресурстық базасын кеңейтуге назар аудару қажет.
Қ.-Ж. Тоқаев өз сөздерінің бірінде Қазақстан үшін заманауи цифрлық технологиялар трансферті, Индустрия 4.0 элементтерін енгізу аса маңызды екенін атап өтті. KIOGE конференциясы шеңберінде геологиялық барлауға инновациялық шешімдерді енгізу және цифрландыру жөніндегі сессиялар осы бағытқа арналады.
Индустриялық шоукейстерді таныстыру барысында интерактивті дауыс беру арқылы қазылар алқасы мұнай-газ өнеркәсібі секторлары үшін үздік технологиялық шешімдерді таңдайды. Сондай-ақ,. 28 қыркүйекте Қазақстанның мұнай-газ саласындағы көшбасшы әйелдерінің қатысуымен PR&GR кездесуі өтеді. Экологиялық жауапкершілікке арналған тақырыптық сессияда ең үздік жасыл технологиялар талқыланады.
KIOGE 2022 жұмысының екінші күні саланы дамыту стратегиялары, өзекті проблемаларды анықтау және болашақта оларды шешу жолдары мәселелері бойынша Пленарлық отырыс өтеді. «Қазақстан жаңартылатын және баламалы энергия көздерін дамыту бойынша тұрақты бағыт алды. Бұған дейін біз бұл көрсеткішті 2020 жылға қарай 10% - ға дейін жеткізу мақсатын белгіледік. Жаңа шындықтар мен ағымдағы оң динамиканы ескере отырып, электр генерациясындағы ЖЭК үлесін 2030 жылға қарай 15% - ға дейін арттыру міндетін қоямын», - деп Қ.- Ж. Тоқаев өз сөзінде атап өтті. KIOGE аясында жаңартылатын және баламалы энергия көздері бойынша сессия өтеді. Дөңгелек үстелдерде сарапшылар сутегі энергетикасы, бұрғылау және мұнай өңдеу қалдықтарын кәдеге жарату процесі және кәсіпорындарды технологиялық жаңарту мәселелерін талқылайды.
Сонымен қатар, қатысушы компаниялар тақырыптық семинарлар өткізеді, онда спикерлер технологиялық шешімдерді қолдану бойынша практикалық кейстермен бөліседі.
KIOGE дәстүрлі түрде Қазақстан Республикасы Энергетика министрлігінің, «КАЗЭНЕРДЖИ «Қазақстан мұнай-газ және энергетика кешені ұйымдарының қауымдастығы» ЗТБ, «ҚазМұнайГаз «ҰК» АҚ, «KazService» Қазақстанның сервистік компаниялар одағы, Қазақстандық мұнайшылар мен геологтар қоғамы (КОНГ), PETROCOUNCIL стратегиялық әріптестік Кеңесінің ресми қолдауымен өтеді.
KIOGE 2022 Бас серіктесі – «Тенгизшевройл» ЖШС.
Ұйымдастырушы Iteca қазақстандық көрме компаниясы болып табылады.
Қосымша ақпаратты сайттан табуға болады: www.kioge.kz
