MANUL КОМПАНИЯСЫ – ӨНДІРУ КӨЛЕМІН АРТТЫРУҒА ЖӘНЕ ОПЕРАЦИЯЛЫҚ ШЫҒЫНДАРДЫ АЗАЙТУҒА АРНАЛҒАН ТЕХНОЛОГИЯЛАР МЕН ШЕШІМДЕР

Manul компаниясы өндіру әлеуетіне қол жеткізуге және операциялық шығындарды азайтуға арналған технологиялар мен шешімдерді енгізеді. Қызметіміздің жалғыз бағыты – өндіруді оңтайландыру.
Біз өндіру көлемін арттыруға және қолданыстағы өндіру деңгейінде шығындарды азайтуға көмектесетін технологияларды енгіземіз.

  

Негізгі шешімдер:

• Өндіру жүйелері: плунжерлік лифт, газлифт, Maxwell сағалық компрессорлары

Manul шешімдерінің кешені пайдаланудың әртүрлі кезеңдерінде ұңғымалардың жұмысын оңтайландыруға арналған технологияларды қамтиды. Плунжерлік лифт сұйықтықты мерзімді түрде көтеруді ұйымдастыру және газ ұңғымаларының тұрақты жұмысын қамтамасыз ету үшін қолданылады. Газлифт жүйелері газ беру және өнімді көтеру параметрлерін таңдау арқылы пайдалану режимін басқаруға мүмкіндік береді. Maxwell сағалық компрессорлары құбырсыртылық қысым төмендеген жағдайда ұңғымалардың жұмысын қамтамасыз етуге арналған және қолданыстағы ұңғымалар қорының технологиялық мүмкіндіктерін кеңейтуге көмектеседі.

• Цифрлық шешімдер және ұңғымаларды автоматтандыру: OPTI Well платформасы және Vanguard контроллерлері
OPTI Well™ цифрлық платформасы ұңғымалардың жұмысы туралы деректерді жинауды, беруді, сақтауды, визуализациялауды және талдауды қамтамасыз етеді. Пайдаланушылар ағымдағы және тарихи параметрлерге, графиктерге, оқиғалар туралы хабарламаларға және инженерлік талдау құралдарына қол жеткізе алады. Бұл ұңғымалар қорының жай-күйін жедел бақылауға, тоқтап қалулар мен ауытқуларды анықтауға, әрекет ету уақытын қысқартуға және оңтайлы пайдалану режимдерін сақтауға мүмкіндік береді.
Vanguard контроллерлері цифрлық контурды ұңғымаларды автоматтандыру және басқару құралдарымен толықтырады. Шешім деректерді тікелей объектіден алуға, белгіленген алгоритмдерді орындауға және қашықтан мониторинг жүргізу жүйелерімен өзара іс-қимыл жасауға бағытталған.

• OMNI сорғы-компрессорлық құбырлар мен сорғы штангаларын инспекциялау жүйелері
OMNI жүйесі сорғы-компрессорлық құбырлар мен сорғы штангаларының техникалық жай-күйін бақылауға арналған. Инспекция тозу белгілерін, коррозиялық зақымдарды, металл ақауларын және қосымша тексеруді қажет ететін учаскелерді анықтауға көмектеседі. Алынған деректер жабдықты сұрыптау, оны қайта пайдалану, жөндеу немесе жарамсыз деп тану туралы шешімдерді негіздеу, сондай-ақ одан әрі пайдалану кезінде істен шығу қаупін азайту үшін қолданылады.

• Xplorer акустикалық зерттеулері
Xplorer технологиясы акустикалық зерттеулер жүргізу және ұңғыманың жай-күйі мен жұмыс сипаты туралы қосымша ақпарат алу үшін қолданылады. Зерттеу нәтижелері пайдалану кезіндегі проблемаларды анықтауға, нақты жұмыс жағдайларын айқындауға және кейінгі инженерлік іс-шараларды таңдауға көмектеседі. Бұл әдіс жерүсті жүйелері мен цифрлық платформаның деректерімен бірге кешенді тексерудің бір бөлігі ретінде қолданылуы мүмкін. 

  

 Кешенді тәсіл

Manul шешімдері дербес те, бірыңғай технологиялық кешен құрамында да қолданылуы мүмкін. Әрбір объект үшін конфигурация ұңғыманың конструкциясын, пайдалану тәсілін, қолжетімді инфрақұрылымды және тапсырыс берушінің өндірістік міндеттерін ескере отырып таңдалады. Жобалар алдын ала инженерлік талдауды, жабдық таңдау мен жеткізуді, тәжірибелік-өнеркәсіптік сынақтарды, енгізуді, маман оқытуды және кейінгі техникалық сүйемелдеуді қамтуы мүмкін.
Көрме стендінде Manul ұңғымамен жұмыс істеудің толық циклін қамтитын шешімдерді ұсынады: өнімді көтеру мен автоматтандырудан бастап жабдықты диагностикалауға және пайдалану деректерін талдауға дейін. Мұндай тәсіл кәсіпорындарға ұңғымалар қоры жұмысының ашықтығын арттыруға, өндірістік ресурстарды тиімдірек пайдалануға, объективті ақпарат негізінде шешімдер қабылдауға, сондай-ақ өндіру көлемін арттырып, қолданыстағы өндіру деңгейінде шығындарды азайтуға көмектеседі.