TRI-STAR INDUSTRIES PTE LTD

1979 жылдан бері Tri-Star Industries көміртекті болаттан жасалған бекіткіштер өндірушісінен энергетика және инфрақұрылым секторларына арналған шешімдердің жаһандық көпбейінді өндірушісі әрі жеткізушісіне айналды. Компанияның Сингапур, Малайзия, Индонезия, Аустралия, Катар және БАӘ-де зауыттары бар. Біздің өнім портфеліміз актив тұтастығын қамтамасыз етудің бүкіл тізбегін қамтиды: сертификатталған бекіткіштер мен озық жабындар, кабель тасымалдау жүйелері, катодтық қорғау және гидравликалық бұран тарту құралдары. Олардың барлығы бір өндірістік алаңда жобаланып, өндіріліп сыналады әрі Shell, Woodside, Chevron, Petronas, Pertamina, ADNOC, QatarEnergy және Qatar LNG компанияларын қоса алғанда, бүкіл әлемдегі активтер иелерінің техникалық сипаттамаларына енгізілген.

MASTERCOTE® – СЕРТИФИКАТТАЛҒАН БЕКІТКІШТЕР МЕН ЖАБЫН ЖҮЙЕЛЕРІ

Біз құбыржол байламаларына арналған бекіткіштерді, арнайы және анкерлік бекіткіштерді толықтай өз өндірістік қуаттарымызда – ASTM A193/A194, A320 және A453 стандарттарына сәйкес қоспалы, тот баспайтын және супердуплексті болаттан, Inconel және Monel қорытпаларынан, NORSOK M-650 талаптарына сай өндіреміз. Өнімдеріміз API 20E мен 20F бойынша сертификатталған және ISO 17025 стандарты бойынша аккредиттелген тәуелсіз зертханамыздың бақылауынан өтеді. Жабындар тобы пайдалану жағдайларына қарай таңдалады: MASTERCOTE® – фторкөміртекті жүйелер (тұзды тұман ортасында бірде-бір тот дағынсыз 9 000 сағатқа дейін сыналған), MASTERGARD® – Xylar 2 негізіндегі керамикалық жүйелер (4 500 сағат, жемірілусіз) және MASTERNIZCOTE® – мырыш-никель жүйелері (5 000 сағат, жемірілусіз). Барлық жабындар толық қадағалау мен сынақтарды сертификаттау қамтамасыз етіле отырып, өз өндірістік алаңдарымызда жағылады.

NANOGALV® ЖӘНЕ NANOCOTE – ЖЕМІРІЛУГЕ ҚАРСЫ НАНОТЕХНОЛОГИЯЛАР

АҚШ-тан тыс жердегі патенттелген Modumetal технологиясының алғашқы лицензиаты ретінде біз NanoGalv® наноламинатталған мырыш-никель жабынын жағамыз. Оның түйіршіктерінің наноөлшемді құрылымы беріктікті, қаттылықты және жемірілуге төзімділікті арттырады. NanoGalv® ASTM B117 стандарты бойынша тұзды тұман ортасындағы 9 600 сағаттық сынаққа, ал NanoCote 10 000 сағаттық сынаққа төтеп береді. Олар кадмий, хром және PTFE негізіндегі жүйелерді алмастырып, уыттылық пен PFAS әсерін жояды, сондай-ақ теңіздегі объектілерде, мұнай өңдеу және жаңартылатын энергетика салаларында қолданылатын аса жауапты бекіткіштердің өмірлік циклі тұрғысынан айқын экономикалық тиімділікті қамтамасыз етеді.

*RAK® – КАБЕЛЬ ТАСЫМАЛДАУ ЖҮЙЕЛЕРІ

M*RAK® 30 жылдан астам уақыт бойы NEMA VE-1, NEMA FG-1 және IEC 61537 стандарттарына сәйкес кешенді кабель тасымалдау шешімдерін – сатылы және перфорацияланған науаларды, кабельдік қораптарды, сым науаларды және инженерлік тірек конструкцияларын жеткізіп келеді. Өнімдер ABS, BV, DNV, SIRIM және CE сертификаттарына ие. Қолданылатын материалдар: SS316L, ыстықтай мырышталған болат, алюминий және отқа төзімді, галогенсіз шыныпластик (FRP/GRP). Мырыш-алюминий-магний қорытпасынан жасалған ең жаңа M*RAK-ZAM жабыны кесілген жиектер мен сызаттарда белсенді түрде «өздігінен қалпына келеді», ал лазерлік кесу, күш түсіруі 250 тонналық престер және роботтандырылған дәнекерлеу жүктемемен жүргізілетін сынақтар арқылы расталған тұрақты сапаны қамтамасыз етеді.

DIMET® – КАТОДТЫҚ ҚОРҒАУ

DIMET® – NACE сертификатына ие коррозия жөніндегі инженерлердің тәжірибесіне сүйенетін Оңтүстік-Шығыс Азиядағы катодтық қорғаудың жетекші бренді. DIMET® теңіз платформаларына, FPSO қондырғыларына, жел электр парктеріне, айлақ қадаларына, құбыржолдар мен резервуарларға арналған протекторлық анодтары бар катодтық қорғау (SACP) және сыртқы ток көзі қолданылатын катодтық қорғау (ICCP) жүйелерін ұсынады. Қызметтер кешені зерттеу жұмыстарын, модельдеуді және FEED-тен бастап анодтар өндіруге, монтаждауға, іске қосу-баптау жұмыстарына, жаңғыртуға, аудиттерге және ұзақ мерзімді мониторингке дейінгі барлық кезеңдерді қамтиды. Өнімдер DNV типтік мақұлдауына және Saudi Aramco біліктілігіне ие.

HYDRAULIC BOLTING SOLUTIONS – АЙНАЛДЫРУ МОМЕНТІ ЖӘНЕ КЕРУ

Tri-Star компаниясы өзінің патенттелген гидравликалық бұран тарту құралдарын жобалап, өндіреді. Бұл – Азияда әзірлеуден бастап өндіруге дейінгі барлық үдеріс толығымен өз өндірістік қуаттарында жүзеге асырылатын жалғыз бренд. Өнімдер қатарына су астында қолданылатын SM Sub-Marine кергіші, MPR кергіші және салмағы мен жұмыс жылдамдығы бойынша бәсекелестерден асып түсетін Swift-Torque LP сериялы гидравликалық кілттер кіреді. Құралдарды сатып алуға, жалға алуға немесе сервистік жұмыстар аясында пайдалануға болады. Сондай-ақ бұрандарға түсетін жүктемені есептеу, ағып кетуді жою жөніндегі сараптамалық қызметтер және ECITB сертификатымен Mechanical Joint Integrity оқу курсы ұсынылады.

KIOGE 2026 ЖАҢАЛЫҒЫ: TAURUS

TAURUS – фланецті қосылыстарды басқаруға және бұран тарту жұмыстарын орындауға арналған интеллектуалды жүйе, DataSmith AI негізіндегі AI Asset Integrity Assurance санатындағы шешім. Жұмыс изометриялық сызбалардан, P&ID схемаларынан және фланец сызбаларынан қосылыстар туралы деректерді жасанды интеллект көмегімен алудан басталады. Әрбір қосылысқа инженерлік есепті, бекітілген тарту параметрлерін, жұмыстарды орындау хаттамасын, инспекция мәртебесін, фототіркеуді және қорытынды сертификатты бірыңғай бақыланатын цифрлық жазбада байланыстыратын бірегей Joint ID және QR белгісі беріледі.
Алдын ала керудің, айналдыру моментінің, гидравликалық керу қысымының, өтулер санының және орындалу реттілігінің бекітілген мәндері алаңдағы жұмыстар үшін өзгертуге жол бермейтіндей етіп бұғатталады. Мамандар нақты уақыттағы көрсеткіштер ұсынылатын басқарылатын ұтқыр жұмыс наряды бойынша жұмыс істейді, ал супервайзерлер жұмыс барысын онлайн режимде бақылайды. Инспекторлар әрбір қосылысты құрылымдалған цифрлық чек-парақтар бойынша растайды, содан кейін жүйе Job Completion Certificate шығарады. Осылайша, сызбадан бастап сертификатталған қосылысқа дейінгі бірыңғай бақыланатын үдеріс қамтамасыз етіледі. Тікелей көрсетілімді тамашалау үшін стендімізге шақырамыз.

САПА, СЕРТИФИКАТТАУ ЖӘНЕ РЕФЕРЕНСТІК ЖОБАЛАР
Топ сертификаттарының қатарына ISO 9001 және ISO 45001, API 20E және 20F (BSL-1 – BSL-3), ISO 17025 бойынша аккредиттелген зертхана, DIMET® анодтарына берілген DNV типтік мақұлдауы, ABS, BV, SIRIM және CE мақұлдаулары, сондай-ақ Saudi Aramco жеткізушісінің біліктілігі кіреді. Соңғы жеткізілімдердің қатарында Гайана шельфіндегі MODEC компаниясының FPSO Uaru жобасы (ExxonMobil), Shell Crux FPU, NFPS SAIPEM / QatarEnergy жобасы (1 000 тоннадан астам DIMET® аноды), Subsea 7 Scarborough, TotalEnergies Kaombo (60 км кабель тасымалдау жүйесі), IJmuiden Ver Alpha теңіз жел электр паркі және FPSO Jaguar үшін бұрандарды гидравликалық керу қызметтері бар.

KIOGE 2026 көрмесіндегі Tri-Star Industries стендіне келіңіз – мұнда бекіткіштердің, жабындардың, кабель тасымалдау жүйелерінің, жемірілуден қорғау құралдарының және интеллектуалды бұран тарту шешімдерінің бірыңғай портфелі ұсынылады