NEWTECH SYSTEMS GROUP: МҰНАЙ-ГАЗ САЛАСЫНА АРНАЛҒАН ҚАЗАҚСТАНДЫҚ ӨНДІРІС ЖӘНЕ ӨНЕРКӘСІПТІК ҚЫЗМЕТ

NEWTECH SYSTEMS GROUP (NSG) – 2011 жылдан бері нарықта жұмыс істеп келе жатқан және мұнай-газ, мұнай-химия, энергетика және өнеркәсіп салаларына өндірістік әрі қызметтік шешімдер ұсынатын 100% қазақстандық компания.

15 жылдан астам уақыт ішінде компания жалпы ауданы 10 000 м²-ден асатын жеке өндірістік негізін қалыптастырып, Қазақстанның ірі операторлары мен мердігерлері үшін 100-ден астам жобаны жүзеге асырды. Бүгінде NSG жобалаудан және өндіруден бастап монтаждау мен техникалық қызмет көрсетуге дейінгі толық циклді жобаларды орындауға мүмкіндік беретін өндірістік қуаттарды, инженерлік тәжірибені және сервистік бөлімшелерді біріктіреді.

2026 жылы компания ұзақ мерзімді келісімшарттар портфелін және ірі өнеркәсіптік жобаларды іске асыруға қатысу ауқымын кеңейтіп, Қазақстанның мұнай-газ қызметтері нарығындағы орнын нығайтуды жалғастырды. Бүгінде NEWTECH SYSTEMS GROUP елдің жетекші мұнай-газ операторларының нысандарындағы бірқатар негізгі бағыттар бойынша келісімшарттардың иесі болып табылады. Бұл тапсырыс берушілердің компанияға деген жоғары сенімін және оның халықаралық сапа мен қауіпсіздік стандарттарына сәйкес жобаларды табысты іске асыру қабілетін растайды.

Компания қызметінің негізгі бағыттары:

• икемді тез алынатын жылу оқшаулағыш тысқаптарды (FRIJ) өндіру;
• пассивті өрттен қорғауға арналған алмалы-салмалы тысқаптарды (PFP Jackets) өндіру;
• өнеркәсіптік жабдықты акустикалық оқшаулауға арналған шешімдер;
• өнеркәсіптік жылу оқшаулауға арналған материалдар мен құрамдас бөлшектерді өндіру;
• желдету және ауаны баптау жүйелерін (HVAC) өндіру;
• құрылыс мінбелерін монтаждау және қолжетімділікті қамтамасыз ету қызметтері;
• беттерді құм ағынымен тазалау және өнеркәсіптік қорғаныш жабындарын жағу;
• арнайы жұмыс киімдері мен жеке қорғаныс құралдарын өндіру.

KIOGE 2026 көрмесінде компания мұнай-газ саласындағы кәсіпорындарға арналған өзі өндірген шешімдер мен қызмет бағыттарын ұсынады.
Көрме стендінің негізгі бөлігінде құбырларға, бекіту арматурасына, сорғы жабдығына, ернемекті қосылыстарға және бақылау-өлшеу аспаптарына арналған икемді тез алынатын жылу оқшаулағыш тысқаптар (FRIJ) ұсынылады. Бұл шешімдер жылу шығынын азайтуға, нысандардың энергия тиімділігін арттыруға және жабдыққа техникалық қызмет көрсетуді айтарлықтай жеңілдетуге мүмкіндік береді.

Сондай-ақ келушілерге көмірсутек өрті жағдайында аса маңызды жабдық пен технологиялық тораптарды қорғауға арналған пассивті өрттен қорғаудың алмалы-салмалы тысқаптары (PFP Jackets) ұсынылады. Бұл шешімдер тапсырыс берушінің жабдығына бейімделіп, жеке әзірленеді және өнеркәсіптік қауіпсіздікке қойылатын талаптары жоғары нысандарда қолданылады.

Акустикалық оқшаулау саласындағы шешімдерге, сондай-ақ өнеркәсіптік жылу оқшаулауға арналған құрамдас бөлшектердің қазақстандық өндірісіне ерекше назар аударылады. Олардың қатарына Aluzinc ZX қаптау жүйелері, көбікшыныдан жасалған бұйымдар, оқшаулағыш тірек сақиналар және арнайы бекіту элементтері кіреді.

Бүгінде NEWTECH SYSTEMS GROUP өндірістік мүмкіндіктері мен қызметтік бағыттарын кеңейтуді жалғастырып, тапсырыс берушілерге халықаралық сапа және қауіпсіздік стандарттарына, сондай-ақ қазақстандық қамтуды дамыту жөніндегі талаптарға сәйкес келетін кешенді шешімдер ұсынады.

Сіздерді KIOGE 2026 көрмесіндегі NEWTECH SYSTEMS GROUP стендіне келіп, мұнай-газ саласына арналған заманауи қазақстандық шешімдермен танысуға шақырамыз.