«СМАРТ ТЕХНО» ЖШС — ҚАЗАҚСТАНДЫҚ ТЕРЕҢДІК СОРҒЫ ЖАБДЫҒЫН ӨНДІРУШІ

«Смарт Техно» ЖШС Ақтау қаласында тереңдік сорғы жабдығын өндіретін заманауи өндіріс құру жобасын іске асырып жатыр. Кәсіпорын Қазақстан мұнай-газ саласын халықаралық сапа мен сенімділік стандарттарына сәйкес келетін отандық өндірістің жоғары сапалы жабдығымен қамтамасыз етуге бағытталған.

Жобаның бірінші кезеңінде штангалы тереңдік сорғыларды (ШТС) шығару жүзеге асырылуда. Алдағы уақытта өндірістік желіні электр орталықтан тепкіш сорғыларды (ЭОТС) және бұрандалы сорғыларды (БС) өндіруді игеру есебінен кеңейту жоспарланып отыр. Бұл мұнай ұңғымаларын пайдаланудың әртүрлі жағдайлары үшін кешенді шешім ұсынуға мүмкіндік береді.

Кәсіпорынның өндірістік қуаты Қазақстан кен орындарының пайдалану жағдайларына бейімделген заманауи халықаралық технологияларды қолдана отырып құрылуда. Барлық өнім ГОСТ, API, ТШ талаптарына сәйкес дайындалады, сондай-ақ тапсырыс берушілердің жеке техникалық талаптары бойынша стандартты емес жабдық өндіру мүмкіндігі көзделген.

    

Өндірістің негізгі сипаттамалары:

• салмалы және құбырлық штангалы тереңдік сорғыларды шығару;
• цилиндрлердің номиналды ішкі диаметрі 32-ден 95 мм-ге дейін;
• хромдалған жабыны бар цилиндрлерді дайындау;
• әртүрлі геологиялық-техникалық жағдайларда жұмыс істеуге арналған материалдардың кең таңдауы;
• іске қосу кезеңінде өндірісті жергіліктендіру деңгейі 50%-дан асады, кейіннен жергілікті қамту үлесін арттыру көзделеді.

Компания меншікті инженерлік-техникалық орталықты және қызмет бөлімшелерін дамытуға ерекше назар аударады. Бұл жабдықтың өмір циклінің барлық кезеңдерінде — жобалаудан және өндіруден бастап қызмет көрсету мен жөндеуге дейін толық техникалық сүйемелдеуді қамтамасыз етуге мүмкіндік береді.

  

Кәсіпорын ұжымы жетекші халықаралық мұнай өндіруші және мұнай қызмет компанияларда жұмыс тәжірибесі бар жоғары білікті мамандардан құралған. Жаңа өндірісті құру Маңғыстау облысының өнеркәсіптік әлеуетін дамытуға, жаңа жұмыс орындарын ашуға және мұнай-газ жабдығы нарығында отандық өндірушілердің орнын нығайтуға ықпал етеді.

KIOGE 2026 жаңалығы: ШТС үшін хромдалған цилиндрлер өндірісі

«Смарт Техно» ЖШС қызметінің негізгі бағыттарының бірі — хромдалған жабыны бар цилиндрлерді өндіру. Олар сорғы жабдығының жоғары сенімділігін және ұзақ қызмет ету мерзімін қамтамасыз етеді.

Хромдалған цилиндрлердің артықшылықтары:

Жоғары тозуға төзімділік және ұзартылған пайдалану ресурсы

• механикалық қоспалардың жоғары мөлшері бар ұңғымаларда тиімді жұмыс істеу;
• абразивтік тозуға жоғары төзімділік;
• азотталған цилиндрлермен салыстырғанда ұзақ қызмет ету мерзімі.

Коррозияға төзімділік және қолдану әмбебаптығы

• жабынды әртүрлі базалық материалдарға, соның ішінде көміртекті және тот баспайтын болаттарға, сондай-ақ жезге жағу мүмкіндігі;
• жез және тот баспайтын болат сияқты материалдар азоттауға жатпайды, бұл хромдау технологиясын пайдаланудың кең ауқымды жағдайлары үшін оңтайлы шешім етеді.

Расталған әлемдік тәжірибе

• хромдалған цилиндрлер АҚШ, Канада және Қытайда салалық стандарт болып табылады;
• Солтүстік Американың жетекші мұнай өндіруші компаниялары 30 жылдан астам уақыт бұрын жоғары пайдалану сипаттамалары мен экономикалық тиімділігіне байланысты азоттау технологиясынан хромдауға көшті.

«Смарт Техно» ЖШС Қазақстанның мұнай-газ компаниялары үшін заманауи технологиялық шешімдер, өнімнің жоғары сапасы және кәсіби техникалық қолдау ұсына отырып, сенімді серіктес болуға ұмтылады.